Edit

About Us

We must explain to you how all seds this mistakens idea off denouncing pleasures and praising pain was born and I will give you a completed accounts off the system and expound.

Contact Us

 Michele Brooks

Michele Y. Brooks ta doño y Gerente Director di ‘Purposeful Journey Consulting Group VBA’, un compania cu el a lansa na aña 2011 cu e vision pa “inspira cambio den hende y organisacionnan”.
Michele, previamente, a sirbi pa tres aña como Consehera di Prome Minister di Aruba y e Gobierno di Aruba, specificamente den e area di Maneho di Recursonan Humano, Enseñansa & Desaroyo. Michele tawatin diferente asignacionnan cu varios companianan durante e ultimo shete añanan, incluyendo sirbi como Consultante di Maneho di Recursonan Humano y Desaroyo Organisacional pa Digicel Aruba, na Ling & Sons y Nagico Aruba, Bonaire y Curaçao. E ta un Consehera, Coach, Trainer y Facilitado pa clientenan, tanto den sector priva como publico, y ta sirbi tambe como MC y Moderado pa conferencianan di negoshi internacionalmente. Prome cu el a cuminsa su mesun negoshi, Michele a ocupa e posicion di Director, Recursonan Humano na Hyatt Regency Aruba Resort & Casino y ta e ex-director di Hyatt University pa Hyatt Hotels & Resorts na Merca.

Door di henter su 25 añanan di carera den e area di hospitalidad, Michele a ocupa diferente posicionnan di gerente y di maneho na varios hotelnan na Aruba y den exterior.
Partinan di su carera cu ta destaca ta inclui ora el a sirbi dos biaha como Moderado na un forum politico Asamblea General di nivel halto na Nacionnan Uni na New York, na aña 2016 y na 2017. Michele a ricibi e rol aki door di e Ministerio di Asuntonan di Exterior (Buitenlandse Zaken) di Hulanda, y a representa e reino Hulandes, Kenya, Costa Rica y Bangladesh den su capacidad como moderado.

Michele ta un orado talentoso cu ta sirbi cu proposito y ta uza su don door di ofrece training di papia den publico y e ta coach organisacionnan manera profesionalnan hoben di Kiwanis, Parlamento Hubenil y otro organisacionnan sin ganashi. E ta sirbi como mentor na un averahe di dies hende muhe tur aña, pasobra e ta kere berdaderamente den lanta hende muhe como lidernan. Michele tawata e orado principal tambe di e conferencia di Hende Muhe den Liderazgo di ATIA y tambe pa Quota Internacional di Aruba.
Michele su pasion pa otronan haya nan bos y genera confiansa a guie pa join Toastmasters Internacional caminda e ta un miembro pa mas cu cuater aña y a sirbi como Presidente di e club y Vice Presidente di Baranca Toastmasters Club na Aruba. Actualmente, Michele ta e director di Division H di Districto 81 (Caribbean Toastmasters). Su division ta consisti di dies dos clubnan di Toastmaster na Aruba, Bonaire y Colombia y Michele ta orguyoso di sirbi como Lider di Districto di e casi 250 Toastmasternan den su Division.
Naci na Aruba, Michele a lanta y a completa su estudio na New York City.
E ta mama di dos yiu muhe y wela di dos nieto.

E mision di Michele ta “pa haci hende autenticamente feliz, y pa haci esaki door di trece significancia, proposito y contribucionnan positivo na nan bidanan.”