Edit

About Us

We must explain to you how all seds this mistakens idea off denouncing pleasures and praising pain was born and I will give you a completed accounts off the system and expound.

Contact Us

 Michel Bernabela

Saludos, Aruba. Mi nomber ta Franklyn Bernabela, miho conoci como Michel, y mi ta candidato number 10 riba lista di partido Transforma PPA. Mi ta un esposo cariñoso, un tata orguyoso y dedica di mi 2 yiunan y mi ta carga Aruba den mi curason y mi alma. Aparte di esaki mi ta un persona motiva, ingeniero di sistema di red y tambe diseñador di software cu ta gusta retonan, pero mas tanto, ta gusta resolve nan. Mi ta fundado y Director Ehecutivo di un consultorio di ICT local. Nos tin experencia di mas di 26 aña den e sector tecnologico di informacion y comunicacion y nos ta brinda nos servicionan na diferente clientenan. Despues di a finalisa 5 aña di servicio na KPMG, mi a join un compania di Software y Accounting pa 1 aña y mey como un ful partner. Den e compania aki, mi tawata e director di e departamentonan di ingenieria di sistema di red y diseñador di software, cual a wordo integra cu e servicionan di e compania di Software y Accounting.
Corto tempo despues, mi a tuma e iniciativa pa lansa INTELLISoft na aña 2000, ofreciendo clientenan un bista mas innovativo y personal. Ademas di esaki, mi ta trahando duro e ultimo 4 añanan, coherente y cu hopi perseverancia, pa mehora e sector di transportacion publico pa nos comunidad y nos grandinan.

Mi tin pasion pa yuda di e forma aki pasobra, siendo lanta door di un mama cu principionan y balornan humano, mi ta para pa honestidad, modestia, y crecemento/progreso individual pa cada un di mi conciudadanonan di Aruba.

Mi ta hopi pasiona cu mi carera profesional, y como un ciudadano patriotico, mi ta haya cu awo ta mi deber pa pone mi 26 añanan di conocemento y experencia, adkiri na tur e islanan di Caribe Hulandes, den practica. Asina mi kier sirbi mi conciudadanonan y mi nacion na e miho manera posibel. Hunto nos lo crea un miho Aruba pa nos comunidad, nos grandinan y nos yiunan. Mi ta dispuesto pa lucha duro pa mi pais. Ken ta cu mi?