Edit

About Us

We must explain to you how all seds this mistakens idea off denouncing pleasures and praising pain was born and I will give you a completed accounts off the system and expound.

Contact Us

 Lisette Malmberg

“Tin Speranza”

Despues di 35 aña di “Status Aparte”, laga nos tira un bista bek, pa nos por wak dilanti cu speranza y diligencia pa hunto nos construi nos futuro, pa e generacion aki y esnan binidero.

Kico nos a logra? Kico ta e estado actual di nos democracia?

Nos a bira un sociedad mas harmonioso? Nos a logra di preserva nos cultura indigeno? Nos ta mas sigura di e cosnan cu ta uni nos y identifica nos como un pueblo? Nos ta mas rico of mas pober, mas productivo of menos? Nos ta mas safe, mas sigur? Tin mas inovacion? Kico ta e perspectivanan y speranza pa nos

yiunan, nos hobennan, nos grandinan? Kico ta e estado di nos famianan, nos economia, nos salud? Kico nos ta produciendo, creando, generando?

Si nos sigi riba e caminda cu nos ta ariba awe, na unda nos lo yega? Con Aruba lo ta aki 40 aña si nos no cambia nos manera di pensa y actua?

“Ami tin un vision di un Aruba caminda hende ta uni den un causa comun, pasiona pa alcanza e plenitud di nan potencial individual y pa contribui nan don y talentonan na nos meta colectivo. Mi tin un vision di un nacion den cual hende ta empodera pa inova, crea y concebi idea, concepto, proyecto, producto y servicio, biennan y recurso cu lo fortalece nos nacion den tur esfera di influencia. Mi tin un vision di un nacion caminda hende ta sinti nan mes responsabel pa contribui na nos futuro colectivo, caminda e mando di esnan elegi pa goberna ta caracteriza pa bon voluntad, integridad y servidumbre, cu un sistema efectivo di responsabilidad na un pueblo bon informa cu ta participa activamente den sociedad. Ami tin un vision di un Aruba caminda nos grandeza no ta consisti solamente di e tamaño di nos Producto Interno Bruto, pero mas bien di e bienestar y oportunidadnan ofrece na cada un di su cuidadanonan, e alegria den wowo di nos yiunan, e speranza den curazon di nos hubentud y e honor cu nos ta duna na nos grandinan. Mi tin un vision di un Aruba cu ta aspira pa ta un actor riba escenario mundial di humanidad, cu no ta stroba door di e tamaño di su territorio sino activa door di e generosidad ilimita di curazon di su pueblo, mirando afo pa un caminda pa contribui. Mi tin un vision pa un Aruba cu ta liber di e sclavitud di division, culpa y interes propio y cu ta considera cada miembro di nos comunidad como parti di un famia cu ta comparti un vinculo y destino comun. Ami tin un vision… cual ta esun dibo?”

Si bo ta comparti e vision aki, JOIN e movemento nobo TransformA awor!

Con ami por participa?