Edit

About Us

We must explain to you how all seds this mistakens idea off denouncing pleasures and praising pain was born and I will give you a completed accounts off the system and expound.

Contact Us

 Joseandro Chiquito

Joseandro Chiquito semper tawata un persona activo y amabel/social. Un cos cu semper tawata su pasion ta pa busca pa sa con cosnan ta funciona, desmantela nan y pone nan bek na otro pa haya un miho perspectiva y comprondemento di con cierto cosnan ta funciona.

Asina su interes pa ingenieria a crece. Ora Joseandro tawata den scol basico, su swa a cuminsa introducie na e tereno electrico door di envolvie den diferente proyectonan chikito.
Despues cu el a caba MAVO, el a sigui y caba EPI den Elektro Techniek y a continua su estudio na Hulanda, caminda el a sigui explora e tereno di ingenieria door di studia Ingenieria Kimico. Despues di a ricibi su bachelor’s den Ingenieria Kimico, el a regresa Aruba pa asina por cuminsa su carera.
Mientras e tawata purba busca unda pa cuminsa su carera, e kier a haci algo leuk y unico pa trece e comunidad di Aruba hunto. Esaki tawata e inicio di Funstacle Masters “Sea bo ta Domina e parti Leuk of e Obstaculonan!”. Un evento cu a crece entre e islanan A-B-C.
Trece hende hunto ta algo cu Joseandro semper a gusta haci. Durante su añanan como studiante na Hulanda, e tawata organisa diferente eventonan pa studiantenan por network y conecta. Door di organisa tur e diferente eventonan aki, Joseandro a desaroya habilidadnan di liderazgo y di organisacion cu a yude durante su carera. Creando empresanan nobo y exitante a guie caminda cu e ta awe.

E compania di rafineria di petrolio tawata algo cu a interesa Joseandro pa motibo di e oportunidadnan pa siña cu e lo ricibi den e industry aki. Esaki ta e motibo cu el a acepta un oportunidad pa trabou na Curaçao como un Ingeniero di Proceso. Durante e temporada aki, el a experiencia y traha cu diferente culturanan, nacionalidadnan y hendenan for di diferente generacionnan.
E posicion di Ingeniero di Proceso a yude y prepare pa tuma e proximo paso den su carera como Ingeniero Cabesante den e industria di hospitalidad caminda actualmente e ta guiando un ekipo di mas cu 20 persona di diferente tereno y historia.

Como Ingeniero Cabesante, e ta encarga cu tur operacion di ingenieria/mantencion, incluyendo e mantencion di e edificio, e tereno y e planta fisico cu atencion particular riba safety, siguridad y proteccion di beneficionan. E ta responsabel pa administra e presupuesto, proyectonan di inversion di capital, mantenemento preventivo, y conservacion di energia.
Loke ta pusha Joseandro door di henter su carera y e retonan, semper tawata y semper lo ta su mentalidad di “PALANTE”.