Edit

About Us

We must explain to you how all seds this mistakens idea off denouncing pleasures and praising pain was born and I will give you a completed accounts off the system and expound.

Contact Us

 Jacqueline Woodley

Aruba, con ta bay? Mi nomber ta Jacqueline Victoria Woodley, miho conoci como Jacqui, y mi ta candidata number 14 riba lista di PPA. Mi ta yiu di William (Woody) y Cora Woodley, un pareha hopi conoci den e comunidad di San Nicolas. Mi a nace dia 9 di september, 1962 na Aruba, y mi tin dos yiu homber. Tambe mi tin un nieta, di cual mi ta hopi orguyoso, cu sa yuda’mi den mi campaña.

Mi a asisti e scol primario Graf von Zinzendorf, sigui pa John Wesley College MAVO y despues Colegio Arubano HAVO. Despues di a logra mi diploma di HAVO, mi a biaha bay Hulanda cu un beca di Reino. Eynan mi a logra e siguiente diplomanan: Informatica (Hogere Informatica) na Christelijke Hogeschool Windesheim, ‘Programacion Informatica’ na ‘Nederlandse Talen Instituut’, y ‘Liderazgo Spiritual’ na MCWE Institute – School of Ministry. Como tal, mi ta un pastor ordena di evangelio. Tambe mi a sigui algun estudio social, entre nan Maneho di Calidad, Gobernacion Publico y Argumentacion Persuasivo. Ora mi a subi mercado laboral, mi a sirbi den diferente funcionnan den transcurso di tempo, entre nan: trahado administrativo financiero, docente (como substituto na kleuterschool, scol primario y universidad), coordinador di Service Desk, gerente di Sistema y Red, lider/gerente di proyecto, y consultante y gerente di ICT.

Banda di mi trabou diario, mi a yega di ta pastor y co-pastor na 9 iglesia. Pa medio di e funcionnan aki, mi a duna ayudo na drogadictonan (a rehabilita nan por completo y a prepara nan pa duna contribucion na sociedad y construi nan propio famianan), hendenan sin cas, nos grandinan y nos hobennan cu a kita for di scol.

Tambe mi a duna bijles na muchanan cu problema cu siñamento cu despues a mehora na scol y na cas. Mi ta haya e satisfaccion di mas grandi ora mi yuda nos grandinan y nos hobennan: esnan cu a construi loke nos tin awe y esnan cu lo tume over mañan.

Ademas mi ta un miembro activo di e organisacion ‘Y’s Men’ di Aruba y recientemente mi a wordo eligi como Director di Region. Mi lo asumi e posicion aki ora e Director actual a cumpli su termino. Mi ta kere den un structura familiar solido cu ta consisti di amor, respet y berdad. Esaki ta e fundeshi di tur existencia y e deber di tur organisacion, negoshi y centro. Mi ta kere tambe cu un persona mester educa su mes pa logra e soñonan cu Dios a dune. Y mi ta haya cu mester duna bek na e comunidad caminda bo a lanta y cu mester mantene y construi e pais caminda bo ta biba.

E eleccion cu ta bini aki, lo bay ta un eleccion hopi importante cu mester trece cambio pa e pueblo di Aruba den su totalidad. Aruba a sufri di mal gobernacion y poco progreso ya pa demasiado tempo. Laga nos ban traha hunto pa soluciona e problemanan den nos comunidad y crea un sistema social cu ta apoya su bienestar. Pueblo di Aruba, mi t’ey pa sirbi boso y no
lo contrario. Ban realisa progreso hunto pa nos pais! Vota consciente, vota PPA!