Edit

About Us

We must explain to you how all seds this mistakens idea off denouncing pleasures and praising pain was born and I will give you a completed accounts off the system and expound.

Contact Us

 Iwan Vasilda

Mi nomber ta Iwan Vincent Vasilda, candidato number 7 riba lista di Transforma PPA. Mi a studia Diseño Arkitectural y Ingenieria Civil y mi tin mas cu 20 aña di experencia den ingenieria trahando na varios empresa. Mi tawatin diferente posicionnan tambe como un consultante di diseñonan arkitectural y tambe como un tecnico di Ingenieria Civil. Proyectonan cu mi a traha riba dje ta: Renovacion di Aruba Airport, Web Aruba, Valero, y FMA Noord, pa menciona algun. Internacionalmente, na aña 2020 mi a diseña un parking lot nobo y un brug pa peaton di beton pa Heineken na Jamaica.

Aparte di mi trabao den ingenieria, mi tin pasion pa bulamento tambe. Esaki a cuminsa na ‘Aruba Flying Club’, caminda mi a bira un piloto profesional y corto despues, un Instructor di Vuelo Aeronautico. Ademas mi a funda ‘Aruba Flight Academy’ y ta duna les eynan pa hopi aña caba te cu e dia di awe. Hopi pilotonan profesional cu awo ta trahando pa nos aerolinea local a cuminsa nan carera na ‘Aruba Flight Academy’.

Pues den dia mi ta ocupa e posicion di un Ingeniero Tecnico y manera solo baha, mi ta transforma den un instructor di vuelo. Tambe for di aña 2004 te cu 2007, mi tawata un miembro di Aruba Junior Chambers Internacional y a ocupa diferente posicionnan. Mi a cuminsa cu e posicion di Tesorero, despues Vice Presidente den Negoshi, despues Presidente. Banda di esaki, mi gusta haci trabaonan boluntario na Hospice Aruba.

Como un patriota cu hopi experencia riba tereno di Diseño Arkitectural y Ingenieria Civil, mi ta para pa mehoracion di e construccion nacional di Aruba. Mi ta kere cu si nos uni nos experticionan nos por logra hopi progreso y innovacion den e area aki pa nos isla. Pueblo, ban transforma nos infrastructura, ban transforma nos pais.