Edit

About Us

We must explain to you how all seds this mistakens idea off denouncing pleasures and praising pain was born and I will give you a completed accounts off the system and expound.

Contact Us

 Hendrik Schaap

Con ta bay, Aruba? Mi nomber ta Hendrik Schaap y mi ta candidato number 11 riba e lista di partido Transforma PPA. Mi a nace na Aruba dia 2 di november, 1970, di mayornan Arubiano. Mi welo a bini Aruba for di Hulanda ora e tawata jong y nunca mas el a bay bek su pais. Mi a pasa e gran parti di mi bida na e bunita isla aki y mi a lanta den un famia humilde di 4 persona den e bario di Tarabana. Eynan mi a asisti e scol primario di Colegio Fatima.

Na edad di 15 aña, mi famia a muda bay e bario Madiki, caminda mi a pasa e resto di mi adolescencia. Na edad di 19 aña, mi a perde mi mama na depresion y ami cu mi ruman muhe chikito a bay biba cu nos famia como cu mi tata ya a bay biba na Hulanda caba despues cu e cu mi mama a divorcia.

Despues di a asisti Colegio Fatima, mi a bay La Salle College MAVO y despues Colegio Arubano, HAVO. Ora mi a gradua di Colegio Arubano, mi a dicidi di keda aki na Aruba y mi a cuminsa traha den e industria di turismo pa haya experencia y cuminsa construi mi carera. En total, mi a traha mas cu 25 aña den e industria aki. Den e temporada ey, mi a traha na varios hotelnan, incluyendo Westin Aruba Resort, Aruba Marriott Resort, y Divi Phoenix Resort. Mi pasion pa e industria di turismo a trece hopi exito den mi carera, y mi areanan di experticio ta Hotel Operations y Hotel Accounting.

Ekipa cu mi conocemento di e industria di turismo, y despues di a traha hopi aña na varios hotelnan, mi a dicidi di enfrenta un reto nobo y, poco aña pasa, mi a habri mi mesun empresa chikito cu yama HS Rentals Aruba. Nos ta specialisa den huurmento di scooter y ATV na turistanan. Banda di mi trabou, mi ta un homber di famia y mi tin 16 aña casa cu mi bunita esposa y nos tin 4 yiu fantastico. Un di mi hobbynan ta cantamento y mi gusta haci esaki pa diberticion.
Mi ta haya cu nos ta biba riba un isla tremendo cu hopi potencial. Nos mester cuide pa nos lage miho atras pa nos yiunan, nos nietonan y e generacionnan despues. Si nos tur traha hunto y tuma e decisionnan corecto pa e desaroyo economico di Aruba, e isla lo prospera y nos tur lo disfruta di e beneficionan di e prosperidad aki. Pueblo, si bo stima nos pida baranca manera ami stime, duna’mi bo apoyo y ban haci e cambio hunto!