Edit

About Us

We must explain to you how all seds this mistakens idea off denouncing pleasures and praising pain was born and I will give you a completed accounts off the system and expound.

Contact Us

 Enid de Kort

Mi nomber ta Enid Teresa de Kort y mi a nace dia 27 di februari, 1965. Mi tin 2 yiu homber di criansa; Junior di 21 aña, y Eli di 13 aña.
Mi ta bibando den un dushi cas na Camay, na Noord. E bario caminda mi a nace, crece y cu ainda mi ta biba. Di chikito mi tawata cana cu mi mama cu semper tawata activo den trabounan boluntario. Mi mama, como mi modelo ehemplar, a crea e pasion den mi pa traha cu hende, specialmente nos muchanan. Prome cu mi a bay Hulanda, mi a forma parti di grupo ‘Union Hubentud’ di Centro di Bario Noord. Nos a organisa hopi actividadnan pa hubentud y mi a traha den diferente ferianan. Esaki tawata un periodo masha dushi den mi bida.
Na edad di 17 aña, mi a bula bay Hulanda pa logra mi meta, esta studia pa trahado social pa Hubentud pa despues bin traha na mi dushi isla Aruba (eynan tambe mi a forma parti di un grupo ‘Antilliaanse Jongens en Meisjes’ na Gilde). E añanan na Hulanda a siña’mi hopi di bida, tambe cu si bo kier logra un meta den bida, bo mester lucha pe, den momentonan bon y malo. Mi ta masha contento cu mi a biba na Hulanda. Eynan mi a siña biba independiente, carga responsabilidadnan y wak e mundo den un perspectiva mas amplio. Ami tawata e unico arubiano na e scol ey y mi mester a siña anda den un pais multicultural cu hopi reto.

Na aña 1989, mi a regresa Aruba, y desde November di e aña ey, mi ta trahando na Departamento di Asunto Social caminda semper mi a traha; pariba di brug, den e dushi bario di San Nicolas. Na principio, mi a traha 12 aña y mey cu hobennan, y e ultimo 19 aña y mey, mi ta trahando como terapista di famia y pareha despues di a caba un estudio postdoctoral como terapista di famia y pareha. Tambe mi ta hefe suplente di e seccion Bida y Famia na Departamento di Asunto Social. Mi experencia den trabou social ta amplio y diverso. Banda di mi trabou diario, mi ta duna tambe diferente charlanan y workshops na comunidad. Mi grupo di enfoke ta masha varia, pero cu enfasis riba hobennan y famia. Tambe mi a traha 17 aña como boluntario na Fundacion Respeta’mi, cu ta traha pa prevencion di abuso di mucha. Mi tawata 5 aña presidente di e fundacion aki y a hinca hopi tempo den duna informacion y workshops cu e meta pa concientisa e pueblo riba protecccion di nos muchanan den comunidad. Den e transcurso di tempo, mi a specialisa mi mes riba tereno di disciplina consciente y den cuadro di esaki, mi a duna hopi guia, training y workshops.
Un experencia hopi special y inolvidabel tambe den mi carera ta cu na aña 2013, mi a ser eligi, conhuntamente cu 14 otro ciudadanonan, pa forma parti di un almuerzo cu Rey Willem Alexander y Princess Maxima.

Tambe mi ta un persona cu semper a haci deporte. Tempo cu mi tawata mas hoben, mi a hunga ping-pong pa e team di Centro di Bario Noord. Na aña 1975, mi a representa e seleccion di Aruba na e prome torneo Latino Americano di tennis di mesa na Mexico. Despues mi a sigui pa e deporte di volleyball y mi tawata forma parti di e team B klas di Centro di Bario Noord.
Durante e temporada cu mi a regresa for di Hulanda te cu awo, mi ta haci aerobics y mi ta miembro di un fitness centrum.