Edit

About Us

We must explain to you how all seds this mistakens idea off denouncing pleasures and praising pain was born and I will give you a completed accounts off the system and expound.

Contact Us

 Darlene Birsby

Saludos, Aruba. Mi nomber ta Darlene Azucena Birsby y mi ta candidata number 13 riba lista di partido PPA. Mi a nace na Aruba dia 2 di juni, 1966, y mi a lanta na San Nicolas. Mi ta mama di un yiu muhe, di kende mi ta inmensamente orguyoso, y mi tin un nieta cu ta mi pret’i wowo. Mi ta bin di un famia artistico extenso y mi semper tawatin, y ainda tin, un pasion profundo pa arte den tur su formanan. Den mi hubentud, mi a participa activamente den deporte, musica, brass band, bailamento y mas. Segun mi a crece, mi a uza e mesun actividadnan aki pa inspira muchanan y hobennan den mi comunidad pa biba un bida positivo, cual a hiba hopi di nan na campeonatonan y logronan individual y/o den ekipo.

E motibo di mi pasion ta pa mira individuonan y famianan florece, p’esey semper mi tawata hopi envolvi tambe den e comunidad, caminda hopi, pa motibo di un relacion sano, a cuminsa yama’mi ‘mama’ of coach D.

Mi educacion ta inclui un diploma Asocia den Administracion di Negoshi, un diploma Asocia y di Bachelor den Ministerio Practico y mi ta certifica como Consehera y Coach Transformacional, cu enfoke riba desaroyo personal, social y spiritual.

Algun añanan atras, mientras mi tawata haciendo investigacion, mi a bin descubri cu tin hopi muchanan, y mayoria hubentud, cu ta sinti nan mes desconecta di e sistema tradicional di educacion. Hopi di e muchanan aki ta extremadamente creativo, talentoso, y artistico y nan ta manifesta nan ser unico pa medio di arte. Desafortunadamente, ora nan no tin un plataforma sano pa descubri, desaroya y expresa nan donnan, nan ta busca maneranan menos positivo pa expresa nan mes. Ta pa e motibo aki, mi a desaroya un programa artistico pa despues di scol cu yama ‘REGAL CREATIVE ARTS ACADEMY’, cual ta diseña pa spierta y desaroya nan habilidadnan pa siña pa medio di arte, y pa inspira nan pa bira e lidernan y embahadornan cu nan ta yama pa ta.
Como un lider den comunidad, mi ta kere profundamente cu arte, den tur su diferente expresionnan, ta un herment poderoso pa impacta y influencia nos cultura cu un mensahe positivo, cu lo demostra e virtud berdadero di nos pais y su pueblo.

Aparte di mi trabou den entrenamento, mi a traha den varios area di turismo, Sales y Marketing, Recursonan Humano y Accounting & Administracion na e refineria di Aruba. Mi a traha tambe como un persona di contacto pa e Departamento de Polis.

Mi ta sirbi den varios organisacionnan y fundacionnan cu ta dirigi nan mes na ayudo social y na famianan den comunidad y mi ta ofrece mi servicionan como consehera na varios eventonan y actividadnan den comunidad. Actualmente, mi ta doño di e negoshi ‘Regal Experience’, caminda mi ta ofrece coaching, workshopnan, seminarionan, y actividadnan creativo y educativo pa e desaroyo y e avance di e pueblo en general.

Door di duna conseheria y coaching, mi a topa cu hendenan di diferente parti di bida cu ta pasando door di diferente situacionnan personal y social. Loke mi ta desea, ta pa mira e hendenan aki transforma door di cambia nan actitud y creencianan pa medio di workshopnan y seminarionan di Expresionnan Creativo, pa yuda nan lanta y crea un miho futuro pa nan mes y nan siguiente generacion. Pa descubri y saca e tesoronan scondi cu tin den nan mientras nan ta wordo sana y transforma den e miho version di nan mes.
Mi meta ta pa mira Aruba transforma den mente, curason y alma, y asina Aruba lo ta conoci como un luga caminda bo por sintibo completo y sano.
E slogan cu mi ta kere profundamente den dje ta: ‘IF WE BUILD IT, THEY WILL COME’ (si nos construy’e, nan lo bin).
Pues, laga NOS hunto SEA e CAMBIO cu nos kier MIRA, laga NOS hunto crea un miho Aruba!!! Vota PPA!