Edit

About Us

We must explain to you how all seds this mistakens idea off denouncing pleasures and praising pain was born and I will give you a completed accounts off the system and expound.

Contact Us

 Claudia Nooren

Claudia Nooren Ruiz-Vasquez ta un diseñador conceptual y activista creativo, miho conoci pa e punto di bista atractivo cu e tin riba diseño. Claudia a nace na Guatemala y ta considera su mes un Arubiano di curason despues di a haci Aruba su cas pa e ultimo 25 añanan. Bida a trece Claudia na Aruba despues di a biba na Guatemala, Honduras y Venezuela. E tin un famia mescla di cuater yiu hoben adulto y ta casa cu e negoshante/hotelero, Mark Nooren. Un diseñador di moda, Claudia stima diseña cosnan y a cumpli cu su prome pasion como un cu ta crea. Door di e añanan, Claudia ta conoci localmente como un diseñador prolifico, cu un estilo electrico, cu curashi, luhoso y inconvencional. Su uzo generoso di colornan y mesclanan intrinsico ta loke ta hacie diferente y esey por wordo observa den cada un di su diseñonan pa su clientenan.

E ta prospera y ta pasiona tocante saca e miho opcionnan di diseño posibel pa e proyectonan cu e ta diseña. E TA STIMA LOKE E TA HACI y durante e añanan, Claudia a adkiri un reputacion pa su determinacion pa produci estilonan unico, pa desaroya identidadnan unico pa su proyectonan di exterior, interior, formacion di paisahe (landscaping), direccion grafico, etc. Basicamente, henter e concepto. Su proyectonan ta varia di Restaurantnan, pa negoshi chikito,Oficinanan Corporativo, renovacionnan di hotel, proyectonan comercial y mas. Den su desaroyo di mas recien, Claudia ta lantando como un artista experimental, kende su trabou ta organico y tin fluidez. Mescos por wordo mira den e diseño di su liña di joyas fini. Un proyecto cu e ta trahando riba dje actualmente.

Claudia Nooren Ruiz-Vasquez ta e Gerente Creativo y Fundado di su Studio di Diseño Arte Sano y e brasa social di e Fundacion Arte Sano. E organisacion sin ganashi, Fundacion Arte Sano, a wordo funda na aña 2012 pa duna training vocacional (creacion di trabou y empleo creativo) den e industrianan pa hendenan den riesgo den e comunidad, pa produci un liña di diseño di calidad & souvenirnan bon traha pa e bishitantenan di Aruba.

Arte Sano ta educa, train y podera (centronan di rehabilitacion, prizonnan pa hubentud, esnan malo y esnan riba caya) pa crea un impacto di tempo largo door di uza diseño y arte como un strategia pa transforma bidanan. For di e studio di diseño, Claudia a obra como e guru di diseño pa e renobacion di nos Aeropuerto Internacional Reina Beatrix pa 12 aña.
Como un creyente ferviente di arte, e tawata e presidente di e iniciativa di ‘Air Art Comite’ cu el a funda pa e por a duna Aeropuerto conseho tocante adkisicionnan di arte pa e terminal di yegada, y pa desaroya e prome hardin colectivo di escultura di artistanan Arubiano. Claudia su proyecto di mas recien ta siendo e cabesante di e Hotel exclusivo Boardwalk Aruba via Arte Sano, pa 7 aña en total. Mesun pasiona cu Claudia ta pa arte, asina pasiona e ta tambe pa promove diseño como un forma pa trece CAMBIO SOCIAL. E ta kere cu beyesa berdadero di diseño y arte ta den e potencial pa impacta e comunidad positivamente,.. pa cambia bidanan!

Inspira door di e movemento ‘Bauhaus’ y e movemento ‘Arts & Crafts’ na Merca, Arte Sano tawata un studio riba wiel pa basta aña, proveendo workshops den diferente centronan di comunidad rond di e isla. E vision tawata pa traha den un areglo di arte cu un curiculo integral basa riba e Herencia Cultural di Aruba. E studiantenan di Arte Sano ta wordo guia y ekipa cu habilidadnan di balor, treciendo crecemento personal y satisfaccion na nan bidanan. E meta ta pa desaroya actividadnan economico den e industrianan creativo como empresanan social alternativo pa Aruba. Arte Sano su SLOGAN

TRANSFORMACION SOCIAL – CREANDO BEYESA | CAMBIANDO BIDANAN

“E no ta terapia, sinembargo, obranan creativo, pa definicion, ta extremadamente terapeutico.” CU BO SOSTEN, “E UNICO motibo pakico Claudia a tuma un paso enorme asina den e candidatura di PPA, ta pa por uza su experiencia di 9 aña riba e tereno, uza su conocemento di diseño pa crea ideanan innovativo, pa crea programanan legitimo di tempo largo pa prizonnan y centronan
di rehabilitacion y pa crea varios pilarnan di iniciativanan di empresanan social. Esaki e ora por traha caminda pa opcionnan laboral digno y un segundo oportunidad berdadero pa esnan cu mas mester di dje. Finalmente, Claudia su vision ta pa ofrece REINTEGRACION berdadero den e comunidad, podera door di diseño. “Ami ta kere cu creatividad por wordo uza pa crea impacto social.” Nos ta siña hende con pa pisca!