Edit

About Us

We must explain to you how all seds this mistakens idea off denouncing pleasures and praising pain was born and I will give you a completed accounts off the system and expound.

Contact Us

 Charles Bennet

Con ta bay, Aruba? Mi nomber ta Charles Eddie Emile Bennett y mi ta candidato number 17 riba lista di partido Transforma PPA. Mi a nace dia 2 di juli, 1953, na Aruba. Mi a lanta den e bario di Dakota y di chikito mi a bay Mon Plaisir School y College. Creciendo den mi bario, mi a marca historia como e prome lider di hubentud na YMCA na Dakota. Na aña 1971, mi a bay Hulanda y a traha na Centrale Directie v.d. P. T .T. y na e mesun momento mi a bay Sociale Vormings School. Durante mi tempo na Hulanda, mi a casa cu mi bunita esposa na aña 1978. Hunto nos tin 3 yiu
muhe y 6 nieto.

Dia prome di december, 1972, mi a drenta den servicio como aspirant na e Cuerpo Policial na Den Haag. Eynan mi a sigui diferente estudionan te cu mi a haya mi diploma di Onderofficier. Na aña 1983, mi a dicidi di bin bek mi isla natal cu mi famia. Den e mesun aña, mi a haya mi certificado di Instructor di Maneho di Auto (Rij-instructeur).

Mi a traha como Wachtcommandant durante mi prome 3 añanan bek na Aruba. Despues mi a bay traha den mi specialisacion na Imigracion, caminda mi a obra pa hopi aña como Chef di Imigracion na Aeropuerto. Na aña 2013, despues di a sirbi 30 aña den e Cuerpo Policial, mi a retira pa mi por a cuminsa disfruta di mi pensioen y pa mi por dedica mi mes na mi hobby grandi y negoshi, cual ta e Rijschool cu mi a cuminsa na aña 1983. Por cierto, esaki ainda ta creciendo y floreciendo.

Aparte di mi trabou den Cuerpo Policial, mi tawata presidente di Amnesty Internacional Aruba for di aña 1986 te na e momento cu mi a drenta politica. Tambe mi tawata un miembro di e Comite di Derechonan Humano di e Gobierno di Aruba. Tumando tur cos hunto, mi por bisa cu mi no ta un cara straño pa e pueblo di Aruba y cu ami, Eddie Bennett, ta para pa paz, husticia y trankilidad. Mi ta cla pa uza mi experencia extenso den e aparato hudicial pa yuda diseña y implementa un programa nacional pa preveni criminalidad y mehora nos etica, norma y balornan. Ban pe cambio Aruba!