Nos ta na un cruzada importante den nos historia. Ta tempo pa un tranformacion den e esencia di nos sociedad, den cada sector di nos economia, den e sistema di gobernacion, den educacion y hopi mas.
Nos no por sigi haci e mesun cosnan y spera resultado diferente. E generacionnan binidero ta conta cu nos pa demonstra e curashi, compasion y participacion necesario pa sigura nan herencia.
Cu liderazgo mester ta efectivo, transparente, responsabel y cu contabilidad.
Cu famia y comunidad ta e fundeshi di nos sociedad y nan bienestar mester por florece.
Cu nos recursonan Nacional ta nos herencia generacional, y nan mayordomia mester ta sostenibel.
Cu crecemento economico mester ta dinamico, diverso, igual y husto, basa riba mutualidad.
Cu finansa publico ta nos Tesoro Nacional y e mester wordo bon maneha pa e beneficio di e publico.
Cu florecemento ta CUMINSA CU Educacion di Calidad.
Cu honestidad y etica sano ta mantene un nacion.
Nos ta na caminda pa un nacion den cual TUR ta florece. Nos mision ta pa transformA nos pais colectivamente a travez di reforma progresivo den un maneho inclusivo, responsabel y husto, pa bienestar generacional.
© 2021 - All Rights Reserved.
